نریندرا مودی اب بھارت کے وزیراعظم ہیں اور وہ خالص ہندو ایجنڈے پر الیکشن لڑ کر یہاں تک آئے ہیں. ظاہر ہے اب وہ کھل کر ہندتوا کی سیاست کریں گے. مودی نے الیکشن سے قبل مسلمان کو ایک کتے کے بچے سے ملا کر انہیں انکی اوقات بھی بتا دی تھی. پھر گجرات ماڈل میں مسلم نسل کشی ، مسلمان عورتوں کی آبروریزی، مسلمان کو دہشت گرد قرار دیکر جعلی پولیس مقابلوں میں مروانا بھی شامل ہے، اسلئے ہندوستانی مسلمان کو ان تمام باتوں کیلئے تیار رہنا چاہئے.
حالیہ الیکشن میں بی جے پی نے بنگلہ دیش مہاجرین کی اصطلاح استعمال کی. خصوصاً اسنے بہار، بنگال، آسام کے حسساس ماحول کے پیش نظر لوگوں کو اپنی صف میں شامل کرکے فائدے اٹھانے کیلئے سب کچھ کیا. اسکا ایک مقصد یہ بھی تھا کہ اس نفرت کو ہوا دیکر اپنی شیطانیت کی تجدید کی جا سکے. اس بار مسلمانو ں کا بھوت بنگلادیشیوں کے روپ میں لایا گیا. پناہ گزیں، غیر قانونی، غیر ملکی نوآبادکار وغیرہ جیسی اصطلاحات کو استعمال میں لایا گیا. بھارتی سیکولرازم اس قدر کھوکھلا ہو چکا ہے کہ اسنے خود کو کھوکھلا کرکے فرقہ پرست طاقتوں کے اقتدار کو آسان بنا دیا ہے.
ہندوستان نے گزشتہ 65 برسوں میں مسلمانوں کو کیا دیا ہے بلکہ انہیں بند گلی میں دھکیل کر یہ باور کروایا جا رہا ہے کہ یہ ہمارا سیکولرازم ہے. مسلمانوں کو ترقی کے ہر موقع پر محروم کر دیا گیا ہے، لیکن ماڈرن سیکولر ہندوستان میں جب صف بنددیاں کی جاتی ہیں تو مسلمانوں کی چاپلوسی اور انکو خوش کرنے کے طعنے دیئے جاتے ہیں، جبکہ مسلمانوں کو سڑنے کیلئے انکی گندی سڑی غلاظت سے بھری ہوئی بستیوں میں چھوڑ دیا گیا جہاں انکا کوئی پرسان حال نہیں، صرف الیکشن کے دوران ہی مسلمانوں سے ووٹ کے نام پر تمام مصائب سے نجات کا وعدہ کیا جاتا ہے، مگر اسمیں دھوکہ ہی ہوتا ہے.
مسلمان بھارت کی کل آبادی کا چودہ فیصد ہیں، نریندر مودی کے مسلمانوں کے ساتھ تعلقات مخاصّمانہ ہی رہے ہیں. 2002 کے گجرات مسلم کش فسادات اسکی واضح مثال ہیں. کہا جاتا ہے کہ مودی کا تعلق پولیس کے اس جتھے سے بھی رہا ہے کہ جو مسلمانوں کو نشانہ بناتا تھا.
ہندوستانی سیاست نے اگلی دو دہایوں کیلئے ہندو توا یعنی ہندو راشٹر کی جانب پیش قدمی شروع کردی ہے اور اسکا خمیازہ بھی مسلمانوں کو ہی بھگتنا پڑے گا. آر ایس ایس نے 1925 میں جو خواب دیکھا تھا آج اقتدار پر قبضہ کرنے پر وہ شرمندہ تعبیر ہو گیا.
پڑھنے کا شکریہ
کوئی تبصرے نہیں:
ایک تبصرہ شائع کریں